Camiño Circular

 Onte recibimos a visita de dúas compoñentes da cooperativa de dinamización rural Camiño Circular, que nos trouxeron as súas caixas de produtos 100% estradenses, recollidos directamente dos seus colaboradores. Foi un obradoiro de concienciación sobre a produción local e o consumo de proximidade, titulado Eu como do local. 

Correlingua a distancia

Este mércores, de 12:00 a 13:00 horas, asistimos á festa final do Correlingua da Estrada deste 2021, conectándonos en directo desde a clase co Teatro Principal da Estrada.

A actuación correu a cargo do Grupo “Música Miúda” e o evento estivo presentado e guiado por Fran Rei.

Participaron 1483 cativos e cativas dos centros da Estrada e Forcarei.

Estreamos o comedor

O día 2 de novembro empezou o servizo de comedor no colexio e tres rapaces de 2º foron protagonistas no Faro de Vigo.