Un pouquiño de Matemáticas, con restas que podedes practicar nos niveis 1 e 2. A intentalo!
Aquí atoparás as actividades da nosa clase de 1º e recursos educativos de 1º e 2º de primaria.
domingo, 25 de diciembre de 2016
Crebacabezas de Nadal
Picade na imaxe para acceder a unha morea de crebacabezas sobre o Nadal con distintos niveis de dificultade. Seguro que vos divertides!
sábado, 24 de diciembre de 2016
A verdadeira historia da Árbore de Nadal
Neste vídeo relátannos a verdadeira historia da árbore de Nadal, unha historia entrañable de como unha árbore cumpríu a súa misión de avisar a todos os que a vían de que o Neno Xesús nacera. Desde aquela, todos os anos a árbore de Nadal lémbranos a noite na que o Neno naceu e nela os Reis Magos deixan agasallos para as persoas que foron boas e carbón para as que non o foron. Vós fostes bos? Si? Logo teredes moitos regalos.
jueves, 22 de diciembre de 2016
Repasando no Nadal
Imprimide este caderno se queredes repasar durante o Nadal os contidos do 1º trimestre. Atoparedes caligrafía, sumas e restas, series numéricas, decenas e unidades e comprensión lectora. Premede xa no debuxo!
Chocolatada e agasallos de Nadal
O día 21 de decembro despedimos o 1º trimestre cunha chocolatada preparada pola ANPA do centro para todo o alumnado e profesorado. Tamén nos visitou Papá Noel, que nos deixou cadanseu agasallo: unha bolsiña con larpeiradas. Todo riquísimo!
O chocolate quentiño.
As rosquillas. As lambetadas de Papá Noel.
martes, 20 de diciembre de 2016
Decora a túa árbore
Decorade a árbore de Nadal premendo na imaxe. Podedes poñer tantos adornos e agasallos como queirades.
lunes, 19 de diciembre de 2016
viernes, 16 de diciembre de 2016
Biscoito caseiro
O biscoito caseiro que Saúl trouxo onte á clase para compartir cos compañeiros e mais coa profe. Estaba boísimo!
jueves, 15 de diciembre de 2016
martes, 13 de diciembre de 2016
Atopa o intruso
Traballamos a categorización e a atención con estas actividades de identificación de intrusos:
Pica na imaxe para atopar os intrusos.
Canción infantil "Me tranquilizo"
Unha canción que nos axudará a tranquilizarnos se estamos nerviosos, inquietos ou enfadados.
viernes, 9 de diciembre de 2016
Árbores de Nadal
Mirade que árbores de Nadal tan chulas fixeron os nenos e nenas de 1º coa axuda das súas familias para decorar o cole:
Víctor
Carlos
Carmen
Noa
Dani Lorenzo
Saúl
Daniel Ferrero
Martín
jueves, 8 de diciembre de 2016
Festa da Poesía
O día 30 de novembro tivo lugar no Teatro Principal da Estrada a XI Festa da Poesía, organizada polo Concello da Estrada. Nela interviñeron cinco rapaces e rapazas do noso centro, entre os que se atopaba Martín, que recitou a poesía de Ana Mª Fernández "Se moes coa moa". Aquí vos deixamos o texto do poema e tamén algunhas fotos do acto.
jueves, 1 de diciembre de 2016
Viaxe ao espazo
O día 30 de novembro visitamos, xunto aos nenos e nenas de infantil e de 2º de primaria, o Observatorio Astronómico Ramón María Aller, da Universidade de Santiago.
Percorremos as instalacións do Observatorio, entre elas, a biblioteca:
Tamén fomos testemuñas de como se abre a cúpula sobre o gran telescopio:
Na seguinte ligazón podedes acceder ás fotos da excursión: Fotos.
Suscribirse a:
Entradas (Atom)